Ikan Potas

KLAR goreng ikan, Yakop anak Pace Yaklep, taru ikan di atas meja, trus dia pi main-main, pas bale begini dia bapa ternyata su makan ikan habis, anak ko tanya dia pu bapa.”Bapa eeee sapa yang makan sa pu ikan di meja kaaa!!!”. Yaklep jawab,” Anaaaa bapa tra tau siapa yang makan eee...". Yakop tanya lagi,”Bapa baa... boo ...!, sapa yang makan sa pu ikan ituuuuu…..". Yaklep jawab lagi,"Anaaaa bapa su bilang tooo…bapa tra tau". Jadi Yakop mulai star menangis, dia bapa tanya bali dia, "Kenapa ko menangis kaaaa…??". "Sa menangis karna ikan tadi itu sa goreng deng Potas". Pace Yaklep kaget, "Ba?, betul kah???...boooooo ... anak!.. ,ikan tadi itu bapa yang makan.".
Yakop,”???!!!”