Dapat Tipu

YAKLEP pi jemput dia pu Maitua di tempat kerjanya. Pas tiba Yaklep kaget kon trima laporan dari orang pake sragam Satpam, kalo Mace berselingkuh. Yaklep tanya langsung dia pu Maitua.

Yaklep,”Satpam bilang ko di jemput deng laki-laki. Yang jelas bukan saya to..”.

Mace ,”Memang, bukan ko”.

Yaklep,”Brati ko su bohong. Makanya Satpam bilang sa ni suami bodo”.

Mace,”Memang betul !. Ini buktinya, sejak kapan sa pu tempat kerja ada Satpam. Ko kan tau sa kerja di kios.Makanya otak..!.Gampang skali ko dapa tipu..?”.

Ade Klas

PACE Yaklep deng dia pu Mace dong dua su kawin lama. Satu kali mace deng pace lagi duduk-duduk, tiba-tiba mace tertawa sendiri. Lihat begini pace de tanya, “Bah Mama knapa ko tertawa,”. Mace bale jawab,”Habis sa kalo inga dolu-dolu macam malu, habis ko ini paling goblok skali tra tau baca baru nakal apalagi ko sa pu ade klas,”. Dengar begitu pace jadi jengkel deng langsung balas mace,”Yooo tra apa suda yang penting ana klas 2 kawin deng anak klas 3 tooooo